ادب اردو

Sochta HooN Kay MohabbaT se Kinara KarlooN

DiL ko Begaana, Targheeb-e-Tammanna KarlooN!!

Sochta HooN kay Mohabbat hai junoon-e-Rusava
Chund Bekaar se Behooda khiyaaloN ka Hajoom

Ek azaaD ko Paaband bananay ki havas
Ek begaane ko apnanay ki sai-e-Mauhoom

Sochta HooN kay MohabbaT hai suroor-e-masti

Is ki tanveer mein roshan hai fazaa-e-hasti

Sochta HooN ke MohabbaT hai bashar ki fitrat

Iska mit jana, mitaa dena bohot mushkil hai

Sochta HooN ke MohabbaT se hai taabinda hayat

Ap ye shama bujha dena bohat mushkil hai

Sochta HooN ke MohabbaT pe kari shartain HaiN

Ik tamaddun mein musarrat pe bari shartien HaiN

Sochta HooN ki MohabbaT hai ik afsurda si laash

Chaadar-e-izzat-o-naamoos mein kafnaai hui

Daur-e-sarmaya ki raundi hui rusva hasti

Dargah-e-mazahab-o-ikhlaaq se thukrai hui

http://urdu--adab.blogspot.com/

Sochta HooN ke bashar aur MohabbaT ka junoon

Aisi bosida tamaddun se hai ik kaar-e-zaboon

Sochta HooN ke MohabbaT na bachay gi zinda

Pesh-az-waqt ki sarh jaaye ye galti hui laash

Ye he behtar hai ki begana-e-ulfat hokar

Apne seene mein karoon jazb-e-nafrat ki talaash

Aur sauda-e-MohabbaT se kinara kar LooN

Dil ko begana-e-targeeb-o-tamana kar LooN.