Qissay Meri Ulfat K Jo Marqoom Hain Saaray
Aa Dekh Tere Naam Se Mosoom Hain Saaray
Bus Is Liye Har Kaam Adhoora Hi Parra Hai
Khadim Bhi Meri Qaum K Makhdoom Hain Saaray
Ab kaun Mere Paaon Ki Zanjeer Ko Kholay
Haakim Meri Basti K Bhi Mehkoom Hain Saaray
Shayad Yeh Zarf Hai Jo Khamosh Hoon Ab Tak
Warna To Tere Aeib Bhi Maloom Hain Saaray
Sub Jurm Meri Zaat Se Mansoob Howe Mohsin
Kya Mere Siwa Shehar Mein Masoom Hain Saaray
